Бұл мәліметті Денсаулық сақтау бірінші вице-министрі Марат Шоранов жеткізді.
Қазақстанға коронавирусқа қарсы Pfizer вакцинасы қарашаның ортасына дейін жеткізіледі, деп хабарлайды Almaty-akshamy.kz INTERFAX.RU сайтына сілтеме жасап.
«Пфайзер вакциналарын жеткізу ағымдағы жылдың 8-14 қарашасы аралығында күтілуде», - деді Марат Шоранов.
Қазақстан Pfizer вакцинасымен 12 жастан асқан балаларды олардың заңды өкілдерінің рұқсатымен, сондай-ақ жүкті және бала емізетін әйелдердің ерікті келісімімен егуді жоспарлап отыр.
Қыркүйек айында Pfizer вакцинасы Қазақстанда уақытша тіркеуден өтті, ал қазан айында еліміздің бас мемлекеттік санитарлық дәрігері Ерлан Қиясов осы вакцинамен егу науқанын бастау туралы қаулыға қол қойды. Қазақстан Pfizer препаратының 4 миллион дозасын жеткізуге келісімшартқа отырды.