Павлодар облысының прокуратурасы қылмыстық жолмен алынған мүлікті мемлекет кірісіне қайтарды, - деп хабарлайды aqshamnews.kz тілшісі.
Павлодар облысының прокуратурасы қандастарды көшіру жөніндегі мемлекеттік бағдарламаны іске асыру барысында бюджет қаражатын жымқыру дерегі бойынша қозғалған қылмыстық іс аясында мүлікті тәркілеу туралы соталды өндірісті бастады.
Тергеу барысында Ауғанстан Республикасының азаматы өзінің қазақ ұлтына жататыны туралы көрінеу жалған мәліметтер мен құжаттар ұсыну арқылы әлеуметтік төлемдерді заңсыз алғаны анықталды.
Бұл ақшаға құны 20 млн теңге болатын пәтер сатып алынған.
Қылмыстық жолмен алынған кірістерді заңдастыруға жол бермеу мақсатында прокуратура органдарының өтініші бойынша сот мүлікті мемлекет кірісіне тәркілеу туралы шешім қабылдады.
Сот актісі заңды күшіне енген жоқ.
Алаяқтық дерегі бойынша соталды тергеп-тексеру қылмыстық қудалау органы тарапынан жүргізіліп жатыр.
Павлодар облысында қылмыстық жолмен алынған мүлік мемлекетке қайтарылды
