Алматыда алғашқы Орталық Азия футбол форумы – CAFF-2025 өтті. Халықаралық іс-шараға Қазақстан, Қырғызстан, Өзбекстан, Тәжікстан және Беларусь мемлекеттерінің футбол мен футзал өкілдері қатысты.
Форумның бас ұйымдастырушысы Жібек Исаева футбол әлемнің түкпір-түкпіріндегі адамдарды біріктіретін спорт түрі екенін атап өтті.
"Біздің форум Халықаралық футбол күніне орай ұйымдастырылды және футболды дамыту мен кеңінен насихаттау үшін көршілерімізбен күш-жігерді біріктіруге бағытталған. Форумға қатысушылардың барлығы мұнда тәжірибе алмасып, өздеріне пайдалы ақпарат ала алады", – деді ол.
Ал Тәжікстан футбол федерациясыны өкілі Рамазон Мирзоев мұндай іс-шараның өңірдегі футбол деңегейін арттыруға көмексететінін айтты.
"Футзалдан «Қайраттың» жетістіктері, футболдан УЕФА Чемпиондар лигасына «Қайраттың» өнер көрсетуі, Өзбекстан құрамасының 2026 жылғы әлем чемпионатына жолдама алу – осы жетістіктерге көршілеріміздің қалай жеткен біз үшін әрдайым қызықты әрі пайдалы. Біз футболға қатысты ортақ қызығушылықтарды анықтадық және енді бауырлас халықтардың өкілдерін өз жерімізде көргіміз келеді. Алматыда қолдау тапқан жоспарлардың қатарында келесі жылы медиа-жұлдыздары қатысатын турнир өткізу бар", – деді ол.
Жалпы форум барысында кәсіби футбол клубтары мен халықаралық федерациялардың даму стратегиялары, балалар-жасөспірімдер және әлеуметтік футбол академиялары, жас ойыншыларды дайындау, инновациялар және технологиялар, Digital шешімдер талқыланды.