Грекияның солтүстік-шығысындағы Дадия ұлттық саябағында орман өртінен кейін 26 адамның мәйіті табылды, деп хабарлайды Almaty-akshamy.kz Euronews-ке сілтеме жасап.
Сирек кездесетін құстардың ұя салатын жері ретінде белгілі қорық арқылы заңсыз мигранттардың бағыты өтеді.
Орман өртінің екінші толқынының тағы бір құрбаны Беотиядағы қарт шопан болды.
«Өрт сөндірушілер Александруполистегі Авант ауданында лашық жанынан 18 адамның денесін тапты. Жақын маңдағы аудандардан тұрғындардың жоғалып кетуі туралы ешқандай мәлімдеме түспегенін ескергенде, бұл елге заңсыз кірген адамдар. Кешеден бері бүкіл аудан бойынша эвакуациялау туралы 112 хабарлама жіберілді», - деп мәлімдеді Грекияның өрт сөндіру департаментінің өкілі Яннис Артопиос.
Сейсенбіде грек өрт сөндіру бөлімі Афины қаласының солтүстігіндегі мыңдаған тұрғындарды эвакуациялауға бұйрық берді. Ано Лиосияда 25 мыңға жуық адам тұрады. Жергілікті билік көршілес Фили ауданында үйлер өртенген соң адамдарды қауіпті жерге шығаруға шешім қабылдады.
Грекияның солтүстік-шығысындағы Эвия мен Кифнос аралдары, сондай-ақ Афиныдың солтүстігіндегі Боеотия жалынға оранған. Пелопоннес пен елдің батысы да өртеніп жатыр.
Демалыс күндері елде ондаған өрт шығып, мыңдаған тұрғын эвакуацияланды. Өрт ең қатты таралған аймақ елдің солтүстік-шығысындағы Александруполис портының жанында, Түркия шекарасына жақын жерде орналасқан. Ондағы жалын бірнеше күннен бері өршіп келеді. Қала маңындағы 13 елді мекеннің тұрғындары эвакуацияланды.
Бұған дейін Грекия билігі әдеттен тыс жоғары ауа температурасы мен қатты жел өрт санын көбейтуі мүмкін деп мәлімдеген.