Мұсылмандарда қасиетті Рамазан айы және онымен бірге ораза да басталды. №16 Қалалық емхананың гастроэнтеролог дәрігері Жансая Жанабаева осы кезеңде ораза ұстайтындарға қандай тамақ жеу керек және қандай тағамнан бас тарту керектігі туралы айтып берді, деп хабарлайды аlmaty-akshamy.kz.
Оның айтуынша, ораза кезінде жеңіл және оңай сіңетін тағамдарды тұтынған жөн, сонымен қатар асқазанның шамадан тыс жүктемесіне әкелетін майлы, тұзды, қуырылған және ауыр тағамдарды алып тастаған жөн. Тәттілерден, кофеден, шайдан және газдалған сусыннан бас тарту да маңызды.
Ифтарды құрмадан бастау ұсынылады. Құрма ас қорыту жүйесі мен ағзаны жақсы күйде ұстау үшін қажетті талшықтарға өте бай.
Сонымен қатар, сусыздануды болдырмау үшін оразаның рұқсат етілген уақытынан кейін, яғни ауыз ашқаннан кейін жеткілікті мөлшерде су ішу керек және және асқазандағы жағымсыз сезімдерді болдырмау үшін ауыз ашқаннан кейін бірден көп мөлшеріде су ішуге болмайды.
Ұзақ уақыт бойы ораза ұстағанды ескере отырып, жылдам емес, баяу сіңетін тағамдарды, соның ішінде құрамында талшыққа бай тағамдарды тұтыну керек.
Баяу сіңетін тамақ өнімдері-құрамында күрделі көмірсулар бар тағамдар: дәндер мен тұқымдар-арпа, бидай, сұлы, тары, жарма, бұршақ, жасымық, електен өтпеген ұн, ұнтақталмаған күріш және т.б.
Тез сіңетін тағамдар-құрамында бос, тазартылған көмірсулар бар тағамдар: қант, еленген ұн, мысалы, жоғары сортты ұн.
Ораза кезінде өсімдік тағамдары қоректік заттардың қажеттіліктерін өтеу үшін әртүрлі, талшықтар мен ақуыздарға бай болуы керек.
"Сондай – ақ, кебек, тұтас ұнтақталған бидай дәндері, тұқымдар мен дәндер, көкөністер (жасыл бұршақ, асбұршақ, кәді), жүгері, шпинат, темірге бай қызылша жапырақтары, қабығы бар жемістер, бадам, кептірілген жемістер-өрік, інжір, қара өрік және т. б.",- дейді Жансая Жанабаева.
Сонымен қатар, дәрігер артық тамақтанудан аулақ болу керек екенін атап өтті, өйткені ұзақ уақыт ораза ұстағаннан кейін артық тамақтану ішекке және жалпы ағзаға ауыр зиян келтіруі мүмкін. Сондай-ақ созылмалы аурулары бар адамдардың санаттарына ораза ұстауға болмайтынын айтты.