Алматы қаласының Орталық қалалық клиникалық ауруханасына (ОҚКА)— бұрын жамбас-сан буынына эндопротездеу жасалған оң жақ сан сүйегінің жабық перипротездік көпсынықты сынуы бар ауыр жарақат алған науқас түсті.
Аяқ-қолдың қызметін сақтау мақсатында күрделі жоғары технологиялық хирургиялық араласу қажет болды. Дәрігерлер оң жақ сан сүйегінің сынуын блоктаушы пластина мен бұрандаларды қолдана отырып бекіту операциясын жүргізіп, бұрын орнатылған эндопротездің сабағын тұрақтандырды.
Операцияны травматолог-дәрігер Нуржан Нуралы анестезиолог-дәрігер Мергали Адилет Мергалидың қатысуымен орындады.
Мұндай хирургиялық араласулар травматологиядағы ең күрделі санатқа жатады, себебі олар жоғары дәлдікті, кәсіби тәжірибені және заманауи медициналық технологияларды қолдануды талап етеді.
Жарақаттың ауырлығына және операцияның күрделілігіне қарамастан, науқас келесі күні-ақ белсенді қозғала бастады. Ерте оңалту сәтті жүргізілген хирургиялық ем мен медициналық команданың үйлесімді жұмысының арқасында мүмкін болды.
ОҚКА-да күрделі жоғары технологиялық операция жасалды
Алматы қаласының Орталық қалалық клиникалық ауруханасына (ОҚКА)— бұрын жамбас-сан буынына эндопротездеу жасалған оң жақ сан сүйегінің жабық перипротездік көпсынықты сынуы бар ауыр жарақат алған...