Адам баласы үшін ең қымбат нәрсе – тәуелсіздік. Бұл – біздің ең асыл, ең қастерлі мерекеміз.
Қазақ халқы үшін тәуелсіздік – ғасырлар бойы аңсап, бабалар қанымен, аналар көз жасымен келген ұлы жеңіс. Еліміздің тәуелсіздік алғанына 33 жыл толып отыр. Осы уақыт аралығында мемлекетіміз бейбітшілік пен бірлік жолында көптеген жетістіктерге қол жеткізді. Бұл – халқымыздың ауызбіршілігінің, қажырлы еңбегінің жемісі.
Тұғырлы тәуелсіздігіміз мәңгі болсын! Қазақ халқы еркін, демократиялы ел ретінде әлемге танылып, «Мәңгілік ел» идеясының биігінен көрінсе, болашақ ұрпағымыз баянды, бақытты өмір сүреді деп сенеміз.
Құрметті қазақстандықтар, баршаңызды айтулы мерекемен шын жүректен құттықтаймын! Еліміз аман, жеріміз тыныш, тәуелсіздігіміз баянды болсын!