Жаңа ережелер Жеке деректер туралы заңға өзгерістер енгізуді қарастырады.
Бұл туралы елдің премьер-министрі Йонас Гар Стере мәлімдеді, деп хабарлайды aqshamnews.kz
Оның айтуынша, жас шектеуі балалардың миына "қарсы бағытталған" алгоритмдерден қорғау мақсатында енгізілмек, себебі әлеуметтік желілер кәмелетке толмағандардың санасы мен психикалық жағдайына кері әсер етеді.
"Бұл – айтарлықтай күшті белгі. Балаларды зиян контенттен қорғау керек. Бұл – үлкен технологиялық алпауыттар мен кішкентай балалардың миына қарсы күрес. Біз бұл ауыр шайқас екенін білеміз, себебі бұл салада қуатты күштер бар, бірақ мұнда саяси шешімдер де қажет", - деп атап өтті ол.
Жаңа ережелер Жеке деректер туралы заңға өзгерістер енгізуді қарастырады, бұл платформаларға жас мөлшерін тексеру тетіктерін енгізуге және пайдаланушылардың жеке ақпаратын өңдеуге мүмкіндік береді.
Қазіргі уақытта Норвегияда осыған ұқсас шектеулердің жұмсағырақ нұсқасы қолданыста: ол 13 жасқа дейінгі балаларға әлеуметтік желілерді пайдалануға тыйым салады, бірақ ол іс жүзінде жұмыс істемейді. 10 жастағы балалардың 58%-ы және 11 жастағы балалардың 78%-ы әлеуметтік желілерді пайдалануды жалғастырып келеді.