Нью-Йорк қаласында екі күнге созылған қатты аяз салдарынан сегіз адам қаза тапты, деп хабарлайды Aqshamnews.kz тілшісі.
АҚШ-та аязды дауылдан кейін бірқатар өңірде төтенше жағдай болған. Ұлттық метеорологиялық қызметтің (NWS) дерегіне сәйкес, ауа райының қолайсыздығына байланысты мектептер мен жолдар жабылып, әуе рейстері тоқтатылған. Сондай-ақ мыңдаған тұрғын жарықсыз қалған.
Нью-Йорк мэрі Зохран Мамдани боранның басылуы қауіп толық өтті дегенді білдірмейтінін айтты. Оның сөзінше, қаладағы баспаналарға қабылдау талаптары жеңілдетіліп, мұқтаж жандардың барлығы орналастырылып жатыр.
Қала билігі «Көк код» (Code Blue) режимі әлі де күшінде екенін мәлімдеді. Билік өкілдері суықтан зардап шегіп жүрген адамдарды байқаған жағдайда 311 нөміріне хабарласуға шақырды.
Өткен жылғы ресми деректерге сәйкес, Нью-Йорк көшелерінде үй-күйсіз адамдар саны 4,5 мыңнан асады. Коалиция өкілі Дейв Гиффеннің айтуынша, аязды түндерде олар көзге түсе бермейтін жерлерді паналайды, сондықтан дер кезінде көмек көрсету қиындайды.
Температураның одан әрі төмендеуіне байланысты қала билігі көмек көрсету топтарының жұмысын күшейтіп, тұрғындарды баспаналар мен жылыну пункттеріне шақыруды жалғастырып жатыр.