Күнделікті шамамен 150 адамға екпе салынады.
Екпе егу науқанының бастапқысында Алматы қаласы Наурызбай ауданында КВИ-ден бірінші сатылы вакцинаны бүгінгі күні 49 572 адам алды, бұл дегеніміз аудан бойынша 93,1%-ды құрайды және 34 911 адам вакцинаның екінші компонентін алған (70%), деп хабарлайды Almaty-akshamy.kz Almaty.tv cілтеме жасап.
«Күнделікті бізде шамамен 150 адамға екпе салынады. Екпе алғандардың барлығы өздерін жақсы сезінеді. Бүгінгі күнге дейін денсаулықтарында қандай да бір ақаулар анықталмаған. Барлық тұрғындарды ұжымдық иммунитет қалыптасып, инфекцияның таралуына жол бермеу мақсатында вакцина алуға шақырамыз. Вакцинаны қаладағы кез келген емханада күнделікті сағат 8.00 мен 20.00 аралығында алуға болады. Қазіргі таңда вакцина алғандардың кейбіреуінің коронавирус инфекциясын жұқтырған жайлар кездесуде. Дегенмен, олардың екпе салудан бас тартқандарға қарағанда, ол инфекцияның ауыр салдарынсыз аса жеңіл түрде ауыратынын айта кеткен жөн», – деді Наурызбай ауданы аудандық медицина ұйымдарының басшысы Гүлжайнат Тілеген.
Әр азамат, бекітілген жеріне қарамастан, қаладағы кез келген емханада вакцина ала алады. Шет ел азаматтары болса, егер тұрғылықты мекенжай ыхтиярхаты болып емханаға бекітілсе, онда оларға медициналық көмек барлық қажетті көлемінде көрсетіледі. Сондай-ақ вакцина ала алады.
Жалпы, қала бойынша медицина ұйымдарында, мектептерде, мәдениет, спорт нысандарында, базар және ОССО-да 212 (250-ге дейін көбейту мүмкіндігімен) вакцина салу пункті қызмет етуде. Және 1 260 адамнан құралған 308 екпе салу бригадасы қарастырылған.