Қазақстан Президенті Қасым-Жомарт Тоқаев есірткі өндіру және өткізу үшін жазаны күшейтуге, сондай-ақ «есірткі қойып кетушіге» қатысты жауапкершілікті жеңілдетуге бағытталған заңға қол қойды, деп хабарлайды aqshamnews.kz
Негізгі өзгерістер:
-
Есірткі өндіру, өңдеу және сату:
15 жылдан 20 жылға дейін немесе өмір бойы бас бостандығынан айыру және мүлікті тәркілеу. Лауазымды тұлғалар үшін – 15 жылдан 20 жылға дейін (бұрын 10 жылдан 15 жылға дейін). -
«Есірткі қойып кетуші» үшін жеңілдету:
Ауырлататын жағдайлар болмаған алғашқы құқық бұзушылық кезінде – 5 жылдан 8 жылға дейін бас бостандығынан айыру (бұрын 10 жылға дейін). Қайталап жасаған жағдайда – 7 жылдан 12 жылға дейін.
Заң қылмыстық топтардың құрамында, кәмелетке толмағандар арасында немесе білім беру мекемелерінде есірткі таратушыларға қатаң шараларды сақтап қалды: 15 жылдан 20 жылға дейін бас бостандығынан айыру және мүлікті тәркілеу.