"Қайрат" футбол клубының бас бапкері Рафаэль Уразбахтин Орталық стадиондағы газонның жағдайы туралы айтты, - деп хабарлайды Аqshamnews.kz тілшісі.
Бүгін Алматыдағы Өңірлік коммуникациялар қызметінің алаңында УЕФА Чемпиондар лигасы аясындағы "Қайрат" – "Реал Мадрид" матчіне арналған баспасөз конференциясы өтіп жатыр.
Уразбахтиннің айтуынша, газонның жағдайы жаман емес.
"Қарсылас туралы ештеңе айта алмаймын. Олар кәсіби спортшылар, сондықтан біздің газонда ойнау оларға қиындық тудырмайды деген ойдамын. Газон мұншалық төмен деңгейде емес. Неге бұлай дейсіз? Біздің агрономдар да аз уақыт ішінде қолдан келгеннің бәрін істеп жатыр. Бұған дейінгі ойындарға қарағанда айтарлықтай жақсарды. Әрине, газон бұдан да жақсы бола алады, бірақ сапасы жаман емес", - дейді ол.