Апелляция сот Тажикбаевты 8 жыл бас бостандығынан айырды
Алматы қаласының апелляциялық сот алқасы Тажикбаевқа қатысты үкімді қайта қарап, оны 8 жылға бас бостандығынан айыруға шешім қабылдады. Тажикбаев алғашқы кездесу кезінде Айнагүл Кеңшебаеваны өлтіргені үшін сотталды, деп хабарлайды aqshamnews.kz.
Бұл қайғылы оқиға 2023 жылдың қазан айында орын алған. Кеңшебаева жаңа танысымен кафеде кездескен. Отырыс барысында олардың арасында жанжал туындап, екеуі сыртқа шыққан. Тажикбаев қызды бар күшімен итеріп жіберген. Қыз арыққа құлап, басын ұрған. Алынған жарақаттардан қыз сол жерде жан тәсілім еткен.
Бірінші инстанция соты ер адамды «абайсызда кісі өлтірді» деп танып, 2,5 жылға бас бостандығынан айырған болатын.
Кеңшебаеваның туыстары бұл жазаға келіспеді. Бір жылдан кейін, 2024 жылғы 23 тамызда Алматы қаласының апелляциялық сот алқасы Тажикбаевқа тағылған үкімді бұзып, оған 8 жыл бас бостандығынан айыру жазасын тағайындады.
Сот оның әрекетін «Абайсызда жәбірленушінің өліміне әкеп соққан денсаулыққа қасақана ауыр зиян келтіру» бабы бойынша қараған.