Қазақстанның халық жазушысы Мұхтар Шахановтың жағдайы ауыр. Ақынның жансақтау бөлімінде жатқанын Шаханов қорының жетекшісі Нұржігіт Ысқақ растады, – деп хабарлайды aqshamnews.kz тілшісі.
Белгілі ақын, қоғам қайраткері Мұхтар Шахановтың жағдайы мүшкіл екені белгілі болды. Қазіргі таңда ол жансақтау бөлімінде жатыр.
Бұл туралы редакциямызға Шаханов қорының жетекшісі Нұржігіт Ысқақ мәлімдеді. Оның айтуынша, ақынның жағдайы ауыр, дәрігерлер қажетті медициналық көмекті көрсетіп жатыр.
"Ол бір айдан бері ауруханада. Жансақтау бөліміне жақында түсті", - деді қор жетекшісі.
Әзірге Мұхтар Шахановтың нақты диагнозы мен жағдайына қатысты қосымша мәліметтер нақтыланып жатыр.