Disney студиясының «Муфаса. Арыстан патша» фильмінің қазақ тіліндегі гала-тұсаукесері өтеді
17 желтоқсан күні сағат 19:00-де Алматы қаласындағы MEGA ойын-сауық орталығында Disney студиясының «Муфаса. Арыстан патша» анимациялық фильмінің гала-тұсаукесер көрсетілімі өтеді. Бұл ерекше шараға тіл жанашырлары, қоғам қайраткерлері, депутаттар, дубляж актерлары, журналистер мен блогерлер қатысады.
«Қазақ тілі» қоғамының бастамасымен биылдан бастап ірі халықаралық студиялар өз фильмдерін қазақ тілінде ұсынуды қолға алды. Осы бастама аясында Disney студиясы «Ойжұмбақ 2», «Моана 2» және «Муфаса. Арыстан патша» фильмдерін қазақ тіліне аударып, дубляждау жұмыстарын қаржыландырды. Қазақ тілінің халықаралық студиялар тарапынан қолдау тапқан әлемдік премьералық тілдер қатарына қосылуы – қазақ мәдениеті үшін тарихи жетістік.
«Ойжұмбақ 2» және «Моана 2» фильмдерінің қазақ тіліндегі дубляжы кассалық табыс үлесі бойынша рекорд орнатып, көрермендердің зор ықыласына бөленді. Ұйымдастырушылар бұл бастаманың қазақ тілі мен мәдениетін одан әрі дамытып, таратуға септігін тигізетінін ерекше атап өтті.
Өтетін орын мен уақыты:
- Өтетін орны: Алматы қаласы, Chaplin MEGA кинотеатры (Розыбакиев көшесі, 247A)
- Өтетін уақыты:
- 20:00 – көрсетілімнің басталуы
Бұл шара қазақ тілінің мәртебесін көтеруге бағытталған маңызды қадамдардың бірі. Сіздерді осы тарихи оқиғаның куәсі болуға шақырамыз!
