Моңғолия астанасы Ұлан-Батор қаласында халық үкіметке қарсы шеруге шықты, деп хабарлайды aqshamnews.kz.
Тұрғындар елде жемқорлықтың күшейгеніне наразы. Оған қоса әлеуметтік мәселелер де назарға ұсынылды. Мәселен, жолдағы кептеліс, салықты азайту, қаладағы түтінді сейілту жайы көтерілген. Сухэ-Батор атындағы орталық алаңға 3 мыңдай адам жиналған.
Zindaa.mn басылымының жазуынша, осы оқиғаға байланысты астанада 15 автобус маршруты тоқтаған. Орталық көшеде көлік қозғалысы кідірді.
Моңғолияда ұйымдастырылған наразылық акциясы бірнеше сағатқа созылды. Алаңға жиналған адамдар билік белгілеген шамада – жергілікті уақыт бойныша сағат 17:00-де тарқауы тиіс еді.
Шеруге шыққандар Парламент депутаттарын үкіметті отставкаға жіберуді талап етті. Алаңдағылардың кейбірі үкімет кеңсесіне шабуылдамақ болған. Арнайы жасақ оларды тоқатты.
Митингті «Азаттық альянсі» партиясы ұйымдастырды.