Қазақстан азаматтары жарамдылық мерзімі өтіп кеткен жеке куәлік және паспорт үшін қанша айыппұл төлейді? Аqshamnews.kz материалда тарқатады. Бұл туралы әкімшілік құқық бұзушылық туралы заңнамада көрсетілген.
Егер азамат жеке куәлігі болмаса, не оның мерзімі өтіп кеткен болса немесе тұрғылықты мекенжайы бойынша тіркеусіз бір айдан астам уақыт тұрса, онда оған 8 айлық есептік көрсеткіш көлемінде айыппұл салынады. 2025 жылғы есеп бойынша бұл сома - 29 536 теңге.
Ал шетел азаматтары немесе азаматтығы жоқ тұлғалар Қазақстанда он күннен артық уақыт тұрақты тіркеусіз, ықтиярхатсыз не жеке куәліксіз жүрген жағдайда, оларға 10 айлық есептік көрсеткіш мөлшерінде айыппұл салынады, яғни 36 920 теңге төлеуге міндеттеледі.
Ал паспорт ерікті құжат саналады. Сондықтан оның мерзімі өтіп кетсе айыппұл салынбайды.