Қасым-Жомарт Тоқаев Ұлттық құрылтай отырысында сөз сөйлеп, барша қазақстандықтарды Амал күнімен құттықтады, деп хабарлайды aqshamnews.kz
«Ең алдымен, бүгін Амал күні баршаңызға құтты болсын дегім келеді. Қыстан аман-есен шығып, ағайын-бауырмен көрісу – ежелден келе жатқан ата дәстүріміз. Бұл күн – Әз-Наурыздың бастауы. Еліміздің төл мерекесі биыл да қасиетті Ораза айына орайлас келіп отыр», – деді Президент.
Қасым-Жомарт Тоқаев мерекелердің халқымызды игі амалдар жасауға және асыл қасиеттерімізді дәріптеуге бағыттайтынын атап өтті. Ол сондай-ақ, Ұлттық құрылтайдың осындай қасиетті мерекелермен қатар өтіп жатқаны жақсылықтың нышаны екенін айтты.
Ұлттық құрылтай отырысы еліміздегі маңызды мәселелерді талқылау және халқымыздың игілігі үшін шешімдер қабылдау алаңы болып табылады.