Жаңа оқу жылының басталуына небәрі екі апта қалды бар. Ал дәрігерлер мектеп табалдырығын енді аттайтын оқушыларды әлдеқайда ертерек дайындаған жөн. "Доктор Питер" баланың мектепке дайын екенін қалай анықтауға болатынын және бұл кезеңді қалай жеңілдетуге анықтады, - деп хабарлайды Аqshamnews.kz тілшісі.
Мектепке дайындық неден тұрады?
Невролог Дмитрий Коростовцевтің айтуынша, мектепке дайындық баланың жалпы даму деңгейі мен денсаулығынан басталуы керек:
-
Иммундық бейімділік - мектепте бала бұрынғыдан да көп адаммен байланысады, сондықтан оның ағзасы инфекцияларға қарсы дайын болуға тиіс.
-
Әлеуметтік бейімділік - жаңа орта, мұғалімдер, сыныптастар - бәрі де бала үшін стресс.
-
Оқу бейімділігі - жаңа талаптар мен жауапкершілік.
Маман мектепке дейін кем дегенде жарты жыл бұрын дәрігерлік тексеруден өтіп, баланың физикалық және психологиялық дайындығын бағалату қажетін айтты.
Кейбір ата-аналар балаларын "тым ширақ" деп алаңдайды. Дәрігер айтуынша, көп жағдайда бұл - қалыпты белсенділік. Бірақ сөйлеу, жазу, оқу дағдыларында қиындық болса, неврологқа немесе психологқа дер кезінде қаралған жөн.
Баланы қай жаста мектепке берген дұрыс?
Бәріне бірдей ереже жоқ: кей бала 6 жасында дайын болады, ал кейбіріне тағы бір жыл қажет. Бұл баланың даму деңгейіне байланысты жеке бағаланады.
Қосымша сабақтар
Мектепке енді барған балаға бірден көп үйірмеге жаздырудың қажеті жоқ. Шамадан тыс жүктеме шаршау, бас ауруы, иммунитеттің төмендеуі мен асқазан-ішек мәселелерін тудыруы мүмкін.
Педиатрдың кеңесі
Татьяна Цареваның айтуынша, 7 жастағы ұлдардың орташа бойы - 117-120 см, салмағы - 21-23 келі, ал қыздардікі - 116-120 см және 20-23 келі болуы керек. Оқу жылы басталғанға дейін баланың барлық созылмалы ауруларын ремиссияға келтіру, жасына сай екпелерін алу және тамыздан бастап ерте тұру дағдысын қалыптастыру қажет.
Ұйқы мен күн тәртібі
Бастауыш сынып оқушылары түнде 10-10,5 сағат ұйықтауы керек. Кешке теледидар мен гаджеттерді шектеу, жылы душ немесе монша қабылдау, ұйқы алдында 1,5 сағат бұрын жеңіл кешкі ас ішу - баланың ұйқы сапасын жақсартады.