Қазақстандық әйел қарбыздың қауіпсіздігіне көз жеткізгісі келіп, тексеріс жүргізді, деп хабарлайды Ulysmedia.kz.
YouTube желісінде жарияланған видеода әйел үй жағдайында өткізген «тәжірибесін» көрсетті: ол арнайы нитрат өлшегіш құрылғының көмегімен қарбыздағы зиянды заттардың мөлшерін анықтамақ болған. Оның айтуынша, бұл құрал нитрат пен нитриттің құрамын анықтайды.
"Биылғы алғашқы қарбызды сатып алдық. Әрине, оны нитрат пен нитритке тексеру керек. Қазір нитратөлшегішті қосамыз. Жеуге жарай ма, жоқ па, қарап көрейік. Нитраттың мөлшері шамадан тыс жоғары. Норма – 60, ал мұнда – 890! Масқара! Әрине, мұны қоқысқа тастаймыз. Ақша желге ұшты", – дейді әйел дауысы кадр сыртында.
Нитраттар мен нитриттер – бұл бейорганикалық химиялық қосылыстар, яғни азот қышқылы (HNO3) мен азотты қышқылдың (HNO2) тұздары мен эфирлері. Олар адам ағзасына тағам, су, шырын және сүт арқылы түседі. Ағзадағы ферменттер мен ішек пен ауыз қуысындағы кейбір бактериялардың әсерінен артық нитраттар әлдеқайда улы нитриттерге айналады.