Қытайдың Хунань провинциясындағы Ұлттық қорғаныс технологиялары университетінде (NUDT) әлемдегі ең шағын дрон жасалды, деп хабарлайды aqshamnews.kz ҰҒА арнасына сілтеме жасап.
Бұл не?
Жәндік өлшеміндегі дрон: жіңішке дене, «қанаттар» және әрең байқалатын «аяқтар». Салмағы — шамамен 1 грамм, смартфон арқылы басқарылады.
Ол не үшін қажет?
Басты мақсаты — жасырын барлау. Оны көзбен де, радармен де байқау қиын. Жоба «ақпараттық барлау» саласындағы әскери операцияларға бағытталған.
Ғалымдар неге назар аударды?
Микродатчиктер, қуат көздері, биотехнологиялар және жасанды интеллект — осының бәрін маса өлшеміндегі корпусқа сыйғызды.
Қытай тек ірі ұшу аппараттарын дамытып қана қоймай, барлаудың микро деңгейіне де бет бұрды.
Қос мақсатты қолдану мүмкіндігі.
Мұндай микродрондар әскери мақсатта ғана емес, тыңшылықта, контрабандаға қарсы күресте немесе инфрақұрылымды бақылауда қолданыла алады.