Бұл шешім футбол қауымдастығы мен спортсүйер қауым үшін маңызды оқиға болды.
Марат Омаров Қазақстан Футбол Федерациясының (ҚФФ) жаңа президенті болып сайланды, деп хабарлайды aqshamnews.kz
Осыған дейін кандидаттардың бірі Давид Лория өз кандидатурасын Марат Омаровтың пайдасына алып тастады. Лория бұл шешімді еліміздегі футболдың қазіргі жағдайына терең талдау жасап, жүйелі мәселелерді шеше алатын, мемлекеттік басқаруда тәжірибесі бар тұлғаның қажеттілігімен түсіндірді.
Марат Омаровтың өмірбаянына көз жүгіртсек, ол 1985 жылы дүниеге келген. Әл-Фараби атындағы Қазақ Ұлттық университетін және ҚазМЗУ заң академиясын тәмамдаған. Мемлекеттік қызметте және спорт саласында айтарлықтай тәжірибе жинаған. Омаров бала кезінен футболға қызығушылық танытып, спортты өмірінің ажырамас бөлігіне айналдырды.
Осыған дейін Марат Омаров түрлі мемлекеттік лауазымдарда қызмет етіп, стратегиялық мәселелерді шешудегі қабілетімен танылды. ҚФФ президенті ретінде ол футбол инфрақұрылымын дамытуға, балалар мен жасөспірімдер спортын қолдауға және ұлттық құраманың жетістіктерін арттыруға ерекше көңіл бөлуді жоспарлап отыр.
Лорияның шешімінен кейін Омаров сайлаудағы басты фаворитке айналғаны анық еді. Оның жеңісі көптеген үмітті ақтап, болашаққа деген сенімді арттырды.
Марат Омаровтың командасы оның табысты жұмыс істеуінің негізгі кепілі болмақ. Бұл жолда оған тек футбол саласының кәсіби мамандары ғана емес, барша спортсүйер қауым қолдау көрсетеді деп сенеміз.