Маңғыстау облысында жантүршігерлік оқиға тіркелді: кәмелетке толмаған қызын зорлаған өгей әкесі өз өміріне қол салды, деп хабарлайды Aqshamnews.kz тілшісі.
2026 жылғы 24 қаңтарда полицияға 13 жастағы қызға зорлық жасалғаны туралы арыз түсті. Алдын ала мәліметтер бойынша, зорлықты жасаған адам – оның өгей әкесі. Белгілі болғандай, ол 2026 жылғы 20 қаңтарда өз-өзіне қол жұмсаған.
Маңғыстау облыстық полиция департаменті Қылмыстық кодекстің 120-бабының 4-бөлігі – кәмелетке толмағанды зорлау бойынша қылмыстық іс қозғалғанын хабарлады. Қазіргі уақытта сотқа дейінгі тергеп-тексеру жүргізіліп жатыр, кәмелетке толмағанның құқықтары мен заңды мүдделері қорғалған.
ҚР Қылмыстық-процестік кодексінің 201-бабына сәйкес, тергеу мүддесіне байланысты өзге ақпарат жария етілмейді.