Заң жобасында алдымен азаматтардың қауіпсіздігін қамтамасыз етуге басымдық беріліп отыр.
Мәжіліс депутаттары “Жасанды интеллект туралы” заң жобасын бірінші оқылымда мақұлдады, деп хабарлайды aqshamnews.kz
"Екіншіден, заң осы саладағы әзірлеушілер мен инвесторлар үшін түсінікті және ашық "ойын ережелерін" жасайды. Үшіншіден, заң жобасы экономикада жасанды интеллектті енгізу кезінде мемлекеттің рөлін айқындайды", - дейді депутат Екатерина Смышляева.
Оның айтуынша, заң жобасының маңызды бөлігі – ұлттық жасанды интеллект платформасы. Бұл жасанды интеллект өнімдерін әзірлеу мен қолдануға арналған бірыңғай инфрақұрылым болады.
"Сондай-ақ, салаға қатысушылардың құқықтары мен міндеттері нақтыланады. Жасанды интеллект жүйе иелері өз жүйелерін пайдалану шарттарын белгілей алады, өз құқықтарын қорғай алады және тәуекелдерді басқара алады. Ал пайдаланушылар дербес деректерді қорғауға, жасанды интеллект жүйелерінің жұмысы туралы хабардар етуге және автоматтандырылған шешімдерге дау айту мүмкіндігіне ие болады", - деді Смышляева.
Бұдан былай жасанды интеллект жүйелері тәуекел деңгейіне қарай жіктеледі. Ал кейбір жүйелерді қолдануға тыйым салынады.
Бүгін мәжіліс депутаттары заң жобасын бірінші оқылымда қабылдады. Алда тағы екінші оқылым бар.