Мәжіліс депутаттары халыққа қызмет көрсету орталықтарын (ХҚҚО) жекеменшікке беру мәселесін қатты сынға алды, деп хабарлайды aqshamnews.kz.
Депутат Екатерина Смышляева Премьер-министрдің бірінші орынбасары Роман Склярдан ХҚҚО-рын жекеге беру туралы түсініктеме беруді талап етті.
Смышляева депутаттық отырыста бұл шешімнің азаматтардың жеке деректерінің қауіпсіздігіне қауіп төндіретінін атап өтті. Оның айтуынша, стратегиялық маңызды мемлекеттік объектілерді жекеменшікке беру — бұл құпия ақпараттың ұрлануы немесе басқа да қауіптерді тудыруы мүмкін.
Биылғы жылдың басында қабылданған заң жобасы жеке серіктестерге қойылатын талаптарды қатаңдатты. Бұл өзгерістердің негізгі мақсаты — деректердің қауіпсіздігін қамтамасыз ету және құжаттармен жұмыс істеу процесін ретке келтіру болды. Сондай-ақ, заңдағы өзгерістердің маңызды бағыты — делдалдарды азайту, яғни олардың қызметін заңдастыру.
Депутаттың пікірінше, ХҚҚО-ларға мемлекеттік бақылау сақталуы қажет. Ал жекеменшік ұйымдардың қатысатын жағдайдың өзінде тек құжаттарды қабылдап, беру процесімен шектелуі керек. Былайша айтқанда олардың қолдарын үлкен деректер базасына жеткізбеу керек.
«Аз сөйле, көп істе» деген жақсы мақал бар. Жекешелендіру туралы даулы мәлімдемелер жасаудың орнына, мемлекеттік корпорацияларға іс жүзінде шешімдер қабылдап, заңнамалық жаңалықтарды жүзеге асыру керек. ХҚҚО-да әлі де делдалдар көптеп кездеседі. Олар консалтингтік компанияларға айналып отыр. Ал шалғай ауылдарда әлі де халық мемлекеттік қызметтерді алу үшін бірнеше шақырым жол жүруге мәжбүр», — деп атап өтті Смышляева.