Париж прокуратурасы Луврдегі тонауға қатысты пікір білдірді, - деп хабарлайды aqshamnews.kz тілшісі Le Figaro-ға сілтеме жасап.
Прокурор Лора Бекконың айтуынша, қылмыс тапсырыспен жасалған болуы мүмкін немесе ақша жылыстату мақсатында ұйымдастырылған.
Сондай-ақ, шетелдіктер тонаған болуы мүмкін деген нұсқа айтылды. Бұған дейін Франция ІІМ мұндай мәлімдеме айтқан еді.
Луврдегі оқиға 19 қазан таңертең болған. "Ерекше жағдайларға" байланысты музей бір күнге жабылып, келушілер эвакуацияланды.
Париж прокуратурасының дерегі бойынша, мына заттар ұрланған:
- Мари-Луиза патшайымның жинағынан алқа мен сырғалар;
- Мария-Амалия патшайымның (1830–1848) және голландиялық Гортензия де Богарне патшайымның жинағынан үш әшекей (алқа, сырға және тиара);
- Евгения патшайымның жинағынан төрт бұйым: екі брошь, лифке тағылатын бант және тиара.
TF1 мәліметінше, музейді бірнеше адам скутерлермен келіп тонаған. Олар музейдің бір қасбетіне көтерілу үшін автокөтергіштің баспалдағын пайдаланған. Одан кейін терезелерді сындырып, Аполлон галереясындағы бөлмеге кіріп, бірқатар зергерлік бұйымды алып кеткен.
Оқиғаға Франция президенті Эмманюэль Макрон да пікірбілдіріп, X желісінде жазба жариялады:
"Луврді тонау - біз қастерлейтін тарихи мұраға қастандық. Біз зергерлік бұйымдарды табамыз, ал қылмыскерлер сот алдында жауап береді", - деп жазды ол.