Сайлаудың соңғы кезеңінде алға шықты.
Бразилияның бұрынғы президенті Луис Инасиу Лула да Силва Мемлекет басшысының сайлауында жеңіске жетіп, елдің қазіргі көшбасшысы Джаир Болсонародан 1 миллионға жуық дауыспен озып кетті. Мұны 100% өңделген хаттамалардың нәтижелері дәлелдейді, деп хабарлайды Almaty-akshamy.kz Inbusiness.kz сілтеме жасап.
Жоғары сайлау сотының сайтында (ОСК функцияларын орындайды) нақты уақыт режимінде жаңартылған мәліметтерден көрініп тұрғандай, жұмысшылар партиясының көшбасшысына 60,3 миллионнан астам адам (50,9%) дауыс берді, ал оның бәсекелесі-консерваторды 58,2 миллион сайлаушы (49,1%) қолдады.
Хаттамалардың үштен екісі өңделгенге дейін Болсонаро көш бастады, дегенмен Лула да Силва дәстүрлі түрде социалистерді қолдайтын солтүстік-шығыс штаттарда берілген дауыстар арқасында біршама ілгерлеп, соңғы кезеңде алға шықты.
Да Силва өзінің сайлау науқанының негізгі ұранын "кедей адамды бюджетке қосу" деп атады. Ол жыл сайынғы жалақыны инфляция деңгейінен жоғары индекстеуге, кедей отбасыларға төлемдерді көбейтуге және табысы төмен халықтың пайдасына салықтарды қайта қарауға, сондай-ақ жұмыспен қамтуды ынталандыруға уәде берді.