Осындай іргелі іс-шараларда дауыс берген дұрыс қой деп ойлаймын. Жалпы халықтың тілегі қабыл болсын. Сіздің даусыңыз маңызды.
Бұрын біздің әке-аналарымыз, аталарымыз мерекеге жиналғандай жиналатын. Сайлау учаскелерінде музыка қосып қоятын. Ауылда баяғыда үлкендер учаскелерде осылайша дауыс беретін. Балалық шағымнан есімде қалғаны дауыс беру үлкен мейрам болатын. Сонда дауысты қалай бересіздер деп сұрағанда: «үлкен аулаға шығып айғайлаймыз» деп қағытып күлдіретін.
Бұл мәселенің мән-мағынасы өте маңызды. Өте керек дүние. Сондықтан менің тілерім қазақ халқының, ұрпағымыздың болашағы жарқын, тыныш болсын. Қазақ халқы ешкімге мұқтаж болмай, еңсесі тік, қай жағынан болса да дербес ғұмыр кеше бергей!