Ерекше тарту!
«Алатау» дәстүрлі өнер театры хакім Абайдың туған күніне орай ақынның «Көзімнің қарасы» әнін а` capella, эстрадалық орындауында экран артындағы көрерменге ұсынады.
«Көзімнің қарасының» көпшілік арасында 5-6 шумағы ғана белгілі, шын мәнісінде, оның 22 шумақтан тұратынын жұрттың бірі білсе, бірі білмейді. Абай шығармалары күнделікті өмірде көпшілікке жақсы таныс болғанымен, әлеуметтік желілерде аса танымал еместігі белгілі. Осы оқылықтың орнын толтыру мақсатында театр әуезді әнге арналып шығарылған бейнебаянның толық нұсқасын әлеуметтік желіге шығарды. Эпидемиологиялық жағдайдың күрт нашарлауына байланысты іс-шара тек онлайн түрде көрсетіледі.