Өзбекстанда аяғы ауыр әйелдер мен жас баласы бар әйелдерді жұмыстан қууға тыйым салынды.
Бұл жайында islam.kz порталы kun.uz ақпарат көзіне сілтеме жасай отырып мәлім етеді, деп хабарлайды aqshamnews.kz.
Бұл бағыттағы тиісті түзетулер аталған елдің еңбек кодексіне енгізілді. Сондай-ақ, заң «Бірыңғай ұлттық еңбек жүйесі» ведомствоаралық кешені арқылы еңбек шарттарын электронды тұрғыдан ресімдеуге көшуді көздейді. Бұл шара жұмысқа орналастыру процедурасын жеңілдетуге бағытталған.
Сонымен қатар, орташа жалақыны, ақы төленбейтін демалыстың ұзақтығын есептеу және қызметкерлерді кешкі немесе сырттай оқыту ережелері нақтыланды. Мемлекеттік органдар енді ақпараттық жүйелер арқылы жұмысқа орналасу үшін қажетті құжаттарды дербес сұрататын болады. Бұл шара бюрократиялық кедергілерді еңсеруге арналған. Заң ресми жарияланған күнінен бастап күшіне енеді.