Корей жүзімі Shine Muscat тек Азияда ғана емес, Қазақстанда да үлкен сұранысқа ие болуда. Өзінің тәтті дәмі мен үлкен жидектерімен жұртшылықтың көңілін аудара бастады. Бірақ бұл трендтің артында не тұр және бұл жүзім қайдан шықты?, - деген сауалға aqshamnews.kz жауап іздеп көрген болатын.
Shine Muscat немесе «корей жүзімі» — үш түрлі жүзім сортынан алынған гибрид, оны алғаш рет Жапонияда өсірген. Дегенмен, Жапонияның климаты бұл жүзімді өсіруге ыңғайсыз болғандықтан, ол Қытай мен Кореяға ауысып, сол жерлерде кең тарала бастады. Корея бұл жүзімді экспортқа шығара бастады, сондықтан «корей жүзімі» атанып кетті. Айта кету керек, бұл жүзімнің түрлері әртүрлі елдерде аздап өзгеше болуы мүмкін.
Shine Muscat жүзімінің ең басты артықшылығы — оның дәмі. Ол өте тәтті әрі шырынды, сонымен қатар сүйексіз. Бұл дәмде мускат пен балдың үйлесімі бар, сондықтан оны десерттік жүзімдерді ұнататындар үшін таптырмас таңдау.
Shine Muscat жүзімінің бір ерекшелігі — оның үлкен жидектері. Бұл тек жүзім емес, нағыз жеміс деликатесі, оның көлемі мен сыртқы түрі көпшіліктің назарын аударады.
Қазақстанда Shine Muscat жүзімі үлкен танымалдылыққа ие болды. Оны Instagram, TikTok арқылы немесе тікелей жүк көлігінен сатып алуға болады. Бағасы килограмына 6 000-9 000 теңге аралығында. Бірақ дәл осы өнімге тапшылық туындап тұрған жоқ.
Shine Muscat жүзімін ірі супермаркеттерден, онлайн дүкендерден немесе әлеуметтік желілер арқылы табуға болады. Бұл жүзімнің танымалдығы күннен күнге артып келеді, сондықтан оны бағасы алдағы уақытта төмендейді деген болжам бар.
Кейбір тұтынушылар Shine Muscat жүзімінің үлкен көлемін химиялық заттармен өңдеудің нәтижесі деп алаңдайды. Бұл мәселені ескере отырып, сатып алу кезінде тек сенімді жеткізушілерден немесе сертификатталған өнімдерден алуға тырысыңыз.