Қазақстанда бір азамат Конституциялық сотқа өтініш беріп, еңбек өтіліне бала күтімі бойынша төленетін уақытты есепке алу туралы норманың заңдылығын тексеруді сұраған.
Қазіргі уақытта бұл ереже тек жұмыс істемейтін аналарға ғана қатысты екендігін айтып, наразылық білдірген. Ер азамат осы ереженің теңдік және кемсітушілікке қарсы қағидаларын бұзатынын айтады, өйткені ол әкелерге бала күтімі үшін еңбек өтілін есепке алуға мүмкіндік бермейді, деп хабарлайды aqshamnews.kz
Қазақстанның Әлеуметтік кодексінің 208-бабының 1-тармағының 8-тармақшасына сәйкес, балаларға күтім жасау үшін еңбек өтілі тек жұмыс істемейтін аналарға есептеледі. Бұл норма бойынша, бала үш жасқа толғанға дейін, бірақ барлығы 12 жылға дейін жұмыс істемейтін аналарға бала күтімінің уақытын еңбек өтіліне қосуға болады.
Өтініш беруші бұл норманың теңдік принциптеріне қайшы келетінін және ер азаматтардың бала күтімі үшін өздерінің еңбек өтілін есепке алу мүмкіндігінен айырылып отырғанын айтады. Осы себептен, Конституциялық сот қазіргі ережелерді қайта қарап, әкелерге де бала күтімі үшін еңбек өтілін есепке алу мүмкіндігін беру қажеттігін тексермек.
Қазіргі уақытта Конституциялық сот бұл мәселені қарап жатыр.