Президент жанындағы Ұлттық Құрылтайдың мүшесі, Қазақстан халқы Ассамблеясы Кеңесінің мүшесі Шаймардан Нұрымов Құрылтай хақында өз ойымен бөлісті.
Айта кетерлігі, өткен құрылтайлардың қорытындысы бойынша конституциялық реформалар жүргізілді. Біртіндеп жасалған өзгерістердің нәтижесінде халық билікке әлдеқайда жақындай түсті. Бүгінде қазақстандықтар үкіметтің, жалпы мемлекеттің жоспарларын жүзеге асыруға атсалысуда. Жүргізіліп жатқан реформалар олардың сұранысын ескере отырып жүргізілуде. Сонымен қатар, Президенттің басшылығымен біз Әділетті Қазақстанды құрып жатырмыз. Алғашында билікке деген сенімсіздік басым болған болса, бүгінде жаңа Қазақстанды құру қарқынды жүруде. Соңғы екі жылда көптеген оң өзгерістер болды. Мысалы, Парламент пен жергілікті ауыл әкімдерінің сайлауы өтті. Ендігі кезекте аудан, қала әкімдерін сайлау күтіп тұр. Мұның барлығы мемлекеттің ашықтығын және азаматтарға елді басқаруға өз үлесін қосу мүмкіндігін көрсететін елеулі өзгерістер.
Президент бірінші Құрылтайда әрбір ел азаматы өз ойын айта алатындай Qurultay қосымшасын жасау керектігін айтты. Соның нәтижесінде бүгінде жүзден астам Құрылтай мүшелері халық пен билік арасындағы алтын көпір іспеттес. Қосымшаны пайдалана отырып, әрбір қазақстандық билік органдарымен байланыс орнату арқылы экономиканы, мәдениетті және т.б. дамыту бойынша қажетті ұсыныстарын ортаға салуға мүмкіндігі бар.
Мемлекет басшысымыз ЮНЕСКО басшысын қабылдағанда бізде қандай тарихи және тарихи артефактілер бар екенін түсіндірді. Олардың көпшілігі ЮНЕСКО тізіміне енді. Бұл тек Қазақстанда ғана емес, бүкіл Орталық Азия ғылымының дамуына серпін берді.
Тарихи мұрамызды сақтау жұмыстары жалғасуда. Мемлекет басшысының бастамасымен отандық және халықаралық 200-ден астам ғалым жеті томдық тарихи кітап әзірлеп жатыр. Сондықтан тарих – болашақтың іргетасы екенін ұмытпағанымыз жөн.