Компьютерде ұзақ уақыт жұмыс істеу мерзімінен бұрын өлу қаупін 80 пайызға арттырады. Ғалымдар бұл қауіпті азайту бойынша ұсыныстар берді, деп хабарлайды aqshamnews.kz
Ғалымдар кеңсе қызметкерлері арасында созылмалы аурулар қаупін азайту бойынша ұсыныстар жасады. АҚШ ғалымдары жүргізген зерттеуге 6300-ден астам қатысушы қатысқан. Зерттеу барысында кеңсе қызметкерлері арасында созылмалы аурулар және ерте өлім қаупін азайту жолдары зерттелген.
Зерттеу нәтижелері бойынша, күніне сегіз сағаттан артық уақыт компьютерде ұзақ отыру мерзімінен бұрын өлу қаупін 80 пайызға арттырады.
Алайда бұл мәселенің оңай және тиімді шешімі бар: дене белсенділігін арттыру арқылы ерте өлім ықтималдығын 20 пайызға, жүрек-қан тамырлары ауруларының даму қаупін 11 пайызға азайтуға болады.
Ғалымдардың ұсынысы бойынша, бұл үшін аптасына кемінде 140 минут жеңіл дене жаттығуларымен айналысу қажет. Мысалы, осынша уақытты серуендеуге немесе йога жаттығуларына арнау жақсы нәтиже береді.
Немесе апта бойы 75 минут орташа қарқындылықпен жүзу, жүгіру, футбол және баскетбол ойнау да пайдалы. Жаттығуларды әр адам өз қызығушылығы, денсаулық көрсеткіші және мүмкіндіктеріне қарай таңдай алады.