Автокөліктің нақты жүрген шақырымын анықтау мәселесі бүкіл әлемде өзекті болып отыр. Себебі, қазіргі кезде жүрілген шақырымды көрсететін құрылғыларды өзгертудің көптеген жолдары бар. Көлік сатып үйренген әккі сатушылар мұны көлікті қымбатырақ сату үшін жасайды, деп хабарлайды аlmaty-akshamy.kz.
Көліктің жүрілген шақырымын анықтаудың негізгі әдістері
Автокөлік сарапшысы Александр Шаргородскийдің айтуынша, көліктің нақты жүрілген шақырымын анықтап білудің бірнеше жолдары бар.
"Ең алдымен, жалпы қашықтықты көрсететін одометрдің көрсеткіштерін қолдануға болады. Алайда, белсенді пайдалану кезінде автомобиль жылына 15-20 мың шақырым жүретінін ескерген жөн. Егер машинаның зауыттан шыққанына мысалы, 7 жыл немесе одан да көп болса, ал одометрде 80-90 мың шақырым болса, бұл бірден күдік туғызуы мүмкін. Бұл жағдайда жүгірістің бұралғанын білу үшін қосымша әдістерді қолдану керек", - деп түсіндіреді сарапшы.
Электронды одометрі бар көліктерге арналған кеңестер
Егер сіз электронды одометрі бар көлік сатып алсаңыз:
"Кейбір көліктер қозғалтқыштың ECU (электронды басқару блогы), автоматты беріліс қорабы және т.б. туралы ақпаратты сақтайды. Тексеру үшін диагностикалық сканерді OBD2 қосқышына қосу керек, содан кейін кез-келген ECU-да ондағы жүрілген шақырым туралы ақпаратты қараңыз. Егер ECU және одометрде жүрілген шақырымында өзгерістер болатын болса, онда аз шақырым көрсету мақсатында одометр кері бұралған деп біліңіз. Тіпті, қазір телефондарда арнайы қосымшалар бар.Тек қосымшасы бар телефон және Elm адаптері қажет. Алайда, бұл барлық көліктерге сәйкес келмейді", - деп түсіндіреді сарапшы.
Панельдің күйіне назар аудару
Панельдің күйіне назар аудару керек, өйткені құрылғыны кері айналдыру үшін ашылған іздер қалып қалады. Барлық бекіткіштер бірдей және біркелкі болуы керек, сонымен қатар бекіткіштердің жанында панельде сызаттар болмауы керек. Сондай-ақ, көлік рөлі мен тормоздың педальдарының өздері көліктің жағдайынан хабар береді. Соған да назар аударғаныңыз жөн болады.
Мамандарға жүгіну
"Ең оңай жолы - мамандарға жүгіну. Машинаның және оның бөлшектерінің күйі бойынша нақты жүгірісті тек мамандар анықтай алады. Егер күдік болса, бірден мамандарға жүгінген дұрыс", - деп аяқтайды сарапшы.