Көліктегі полиция департаментінде жеке құрамның қысқы киім нысанына ауысуына байланысты саптық байқау өткізілді, – деп хабарлайды aqshamnews.kz Polisia.kz-ке сілтеме жасап.
Іс-шараға департамент басшылығы мен көлік полициясының барлық жеке құрамы қатысты. Департамент бастығының орынбасары Ондасын Аштаев формалық киімді, жетондар мен төсбелгілердің болуын, қызметтік куәліктердің сәйкестігін, сондай-ақ қызметкерлердің саптық даярлығы мен сыртқы келбетін тексерді.
"Мұндай саптық байқаулар полицейлердің саптық мәдениетін арттырып, тәртіп пен жинақылықты нығайтуға ықпал етеді. Тәртіп сақшысының ұқыпты сыртқы келбеті азаматтардың сенімін қалыптастырып, полиция органдарының беделін көтеруге мүмкіндік береді", — деді Ондасын Аштаев.
Қызметкердің сыртқы келбеті – оның ішкі тәртібі мен кәсіби біліктілігінің көрінісі. Саптық байқау салтанатты шерумен аяқталды. Департаменттің дәстүрлі саптық байқаулары барлық аумақтық бөліністе өтеді.