UFC ұйымында 77 келі салмақта чемпиондық атаққа үміткер болған Колби Ковингтон UFC 310 турнирінде Шавкат Рахмоновпен кездесуге келісім берді, деп хабарлайды aqshamnews.kz.
"Мен UFC басшыларына Рахмоновпен кездесуге дайын екенімді айттым. Бірақ олардың жоспары басқа сияқты. Қазір олар Камару Усман мен Шавкат Рахмонов кездесуін ұйымдастырайын деп жатыр", - деп келтіреді Ковингтонның сөзін SubmissionRadio.
Еске салайық, UFC 310 турнирі 7-желтоқсан күні Лас-Вегас (АҚШ) қаласында өтеді.
Әу баста бұл кештің басты айқасында Рахмонов Белал Мұхаммедпен чемпиондық жекпе-жек өткізуі керек еді. Алайда америкалық инфекция жұқтырып, кездесуден бас тартты.
Ал кейбір инсайдерлердің мәліметі бойынша, қазір UFC Усман мен Шавкат арасындағы жекпе-жекті ұйымдастыру үшін келіссөз жүргізіп жатыр.