Дәстүр бойынша теміржолшылар көктемгі су тасқынына қыста дайындала бастайды.
ҚТЖ су тасқыны кезінде тұрғындарды қауіпсіз жерге көшіру үшін 45 пойыз бөледі, - деп хабарлайды Almaty-akshamy.kz.
ҚТЖ-дағы су тасқынына қарсы іс-шаралар бағдарламасы көп жылдық тәжірибеге негізделген. Дәстүр бойынша, теміржолшылар көктемгі су тасқынына қыста дайындала бастайды.
«Су тасқыны кезеңінде темір жол инфрақұрылымының шайылуы мен зақымдануының алдын алу және жою үшін «ҚТЖ» ҰК» АҚ желісінде кесек таспен, рельсті пакеттермен, кондициялық емес темірбетонды шпалдармен және басқа да материалдармен жарақтандырылған жууға қарсы 45 пойыз қалыптастырылатын болады. Қазіргі уақытта су бұру арналары мен су өткізгіш құбырларды, дренаждық құдықтарды қардан тазарту бойынша дайындық жұмыстары жүргізілуде. Көлік құралдары, дрезиналар, автотракторлық техника дайындалуда. Жанар-жағармай материалдарының апаттық қоры құрылады», - делінген хабарламада.
Жергілікті атқарушы органдар мен төтенше жағдайлар басқармалары өкілдерімен бірлесіп теміржолшылар теміржолдар төсеміне тікелей жақын орналасқан бөгеттер мен су қоймаларын тексереді.
Су тасқыны кезеңінде су басуы мүмкін учаскелер үнемі бақылауда болады. Көп жылдық бақылаулар нәтижелері бойынша теміржолда 670 жуық ықтимал қауіпті орындар бар. Бұл учаскелер тізімін локомотив бригадалары мұқият зерттейді. Олармен жер төсемінің жуылуы және деформациялануы ықтимал жерлерде пойыздарды жүргізу бойынша қосымша нұсқамалар беріледі.