KAZ Minerals компаниясына қарасты Артемьев шахтасында жұмысшы қаза тапты, деп хабарлайды Aqshamnews.kz тілшісі.
Компанияның баспасөз қызметі мәлім еткендей, қайғылы оқиға 30 мамыр күні сағат 20:30 шамасында ТОО «Востокцветмет»-тің Артемьев шахтасында болған. Тау жынысының опырылып түсуі салдарынан кәсіпорын қызметкері көз жұмды.
Оқиға болған учаскедегі барлық жұмыс дереу тоқтатылған.
«Қазір қайғылы жағдайдың мән-жайы мен себептері құзырлы мамандардың және уәкілетті органдар өкілдерінің қатысуымен тексеріліп жатыр», – делінген компания хабарламасында.
Айта кетейік, бұл – мамыр айының басынан бері осы шахтада тіркелген екінші қайғылы жағдай. Бұған дейін 9 мамыр күні Артемьев шахтасында шаң-желдету қызметінің механигі қаза тапқан еді.