2024 жылдың үш айында мұнай өнімдерін заңсыз әкетудің 171 фактісінің жолы кесілді
ҚР Қаржы министрлігінің Мемлекеттік кірістер комитеті 2024 жылдың бірінші тоқсанында Қазақстан-Ресей шекарасында 13 650 литр жанар-жағармайды заңсыз әкетудің 103 әрекетін анықтап, жолын кесті, деп хабарлайды аlmaty-akshamy.kz.
Қазақстан-өзбек шекарасында 11 135 литр жанар-жағармайды заңсыз шекара асыруға 68 әрекет жасалды. 3,7 млн. теңге айыппұл өндірілді. Қазіргі уақытта мұнай өнімдерінің жекелеген түрлерін Қазақстан Республикасының аумағынан тыс жерлерге әкетуге тыйым салынған. Тыйым Қазақстанның ішкі нарығында жанар-жағармай материалдарының тапшылығын болдырмау үшін нормативтік актілермен бекітілген. Мемлекеттік кірістер комитеті белгіленген тыйымдар мен шектеулердің сақталуына бақылау жүргізеді.
Тәуекелдерді басқару жүйесі қолданылады. Электрондық декларациялаудың «АСТАНА-1» ақпараттық жүйесінде әкетуге тыйым салынған мұнай өнімдерінің кедендік декларациялауын болдырмау мақсатында шаралар қабылданған. МКК мұнай өнімдерін заңсыз әкету фактілерін анықтау және жолын кесу бойынша іс-шаралар жүргізеді. 2023 жылы Қазақстан-өзбек шекарасында 79 800 литр мұнай өнімдерінің заңсыз әкетуіңің 294 әрекеті тоқтатылды. Мемлекет бюджетіне 24,5 млн. теңге айыппұл өндірілді. Қазақстан-Ресей шекарасында 60 мың литрге жуық мұнай өнімдерін заңсыз әкетудің 324 фактісінің жолы кесілді. Қазақстан Республикасының қолданыстағы заңнамасында белгіленген тыйымдар мен шектеулердің сақталуын бақылауды Мемлекеттік кірістер органдары тұрақты негізде жүргізеді.