Қайғылы «қаңтар оқиғасынан» кейін Қазақстан Республикасының Үкіметі елдегі әлеуметтік-экономикалық жағдайды тұрақтандыру жөніндегі Жедел іс-шаралар жоспарын қабылдады.
Қазақстан Республикасындағы жастар арасындағы жұмыссыздықтың ең пессимистік көрсеткіштері Алматы және Нұр-Сұлтан қалаларында, сондай-ақ Қарағанды облысында байқалады, деп хабарлайды Almaty-akshamy.kz Finprom.kz сайтына сілтеме жасап.
Қыздар арасындағы жұмыссыздық деңгейі (4,4%) жігіттерге қарағанда (3,1%) айтарлықтай жоғары екен.
15 пен 28 жас аралығындағы жастар арасындағы жұмыссыздық деңгейі 2021 жылдың үшінші тоқсанында 3,7%-ды құраған, бір жыл бұрынғы көрсеткіш 3,9% болған. Қалалық жастар арасындағы жұмыссыздық деңгейі (4,1%) мен ауылдық жерлердегі көрсеткіштің (3,2%) айырмашылығы аса көп емес.
Салыстыру үшін: жалпы Қазақстан бойынша жұмыссыздық деңгейі 4,9% құрады, ал қала мен ауыл арасындағы айырмашылық шамалы: сәйкесінше 5% және 4,7%.
Еске салайық, қайғылы «қаңтар оқиғасынан» кейін Қазақстан Республикасының Үкіметі елдегі әлеуметтік-экономикалық жағдайды тұрақтандыру жөніндегі Жедел іс-шаралар жоспарын қабылдады. Атап айтқанда, жастар арасындағы жұмыссыздық деңгейін төмендету сияқты мақсатты көрсеткен болатын. Нақтырақ айтсақ, «Жастар тәжірибесі» және «Бірінші жұмыс» жобалары аясында өту шарттары мен жалақы ұлғайтылады. «Жастар тәжірибесі» жобасы бойынша тәжірибеден өту мерзімі 6 айға дейін, жалақысы 25 АЕК болса, «Бірінші жұмыс орны» жобасы бойынша 24 ай мерзімге жұмысқа орналасады, ал бірінші жұмыс жылы жұмыспен қамту орталығы 20 АЕК мөлшерінде еңбекақы төлейді.
Гендерлік тұрғыдан алғанда, ерлер арасындағы жұмыссыздық деңгейі 3,1%-ды құраса, қалада бұл көрсеткіш 3,6%-ға, ал ауылдық жерде небәрі 2,4%-ға жетті.
Әйелдер арасындағы жұмыссыздық деңгейі айтарлықтай жоғары: 4,4%. Бұл ретте қала мен ауыл арасындағы алшақтық шамалы: қалада 4,5%, ауылдық жерде 4,1%.
Қазақстан Республикасының аймақтары ішінде жастар арасындағы жұмыссыздықтың ең жоғары деңгейі Алматы қаласында (5,4%), одан кейін Нұр-Сұлтан қаласында (4,6%) және Қарағанды облысында (4,3%) белгіленді.
Жастар арасындағы жұмыссыздықтың ең төменгі деңгейі Атырау (2,5%), Ақтөбе (2,6%) және Павлодар (2,7%) облыстарында белгіленді.
