Қазақстан Республикасының Президенті Қ. К. Тоқаев 2025 жылды «Жұмысшы мамандықтар жылы» деп жариялап, техникалық және кәсіптік білім беру жүйесін реформалау қажеттігін айтты. Осы арқылы жұмысшы мамандықтарының қоғамдағы беделін көтеру, еңбек нарығындағы тапшылықты жою және жастарды еңбекқор, нағыз маман болуға тарту көзделген.
Қазақстанда жұмысшы мамандықтары бұрын-соңды төмен бағаланған еді, алайда қазіргі таңда бұл мамандықтардың маңызы артып, сұраныс өсуде. Техникалық және кәсіби білім беру жүйесінде оң өзгерістер байқалып отыр, әсіресе индустрия, автоматтандыру және жасанды интеллекттің дамуы бұл мамандықтардағы қажетті дағдылар мен талаптарды өзгертуде.
Алматы сән және қызмет көрсету саласы колледжі қазіргі таңда дуальды оқыту жүйесіне 100 пайыз көшкен еліміздегі алдыңғы қатарлы оқу орындарының бірі. Дуальды оқыту жүйесі білім алушыларға нақты өндіріс жағдайларында жұмыс орнында тәжірибе жинақтауға мүмкіндік береді. Бұл жүйе бойынша колледжде төрт мамандық бойынша білім беріледі:
- Тігін өндірісі және кимідерді модельдеу
- Киім дизайны
- Шаштараз өнері
- Тамақтандыруды ұйымдастыру
Дуальды оқыту жүйесінің артықшылықтары:
- Жоғары жұмысқа орналасу көрсеткіші: Оқу барысында өндірістік тәжірибе жинақтайтын білім алушылар жұмыс берушінің талаптарына сай білікті маманға айналады.
- Психологиялық дайындығы жоғары мамандар: Өндірісте жұмыс істеп, жаңа ортаға бейімделген білім алушы өз міндеттерін жауапкершілікпен орындайды.
- Теория мен тәжірибенің үйлесімі: Теориялық білім тек мәтіндермен шектелмей, нақты өндірістік жағдайлар арқылы тәжірибе алынады.
- Жұмыс берушінің бағасы: Өндірістік тәжірибе кезінде білім алушы өз біліктілігін және ынтасын көрсетеді.
- Заманауи білім мен дағдылар: Білім алушылар өндірістегі соңғы жаңалықтарды меңгеріп, заманауи талаптарға сай білікті маман болып шығады.
Дуальды оқыту жүйесі білім алушыларға кәсіби дағдыларды нақты өндірістік ортада үйренуге мүмкіндік береді, бұл олардың еңбек нарығына дайын болуына жол ашады. Алматы сән және қызмет көрсету саласы колледжінің басты мақсаты – сапалы білім беру арқылы еліміздің болашағы үшін білімді, білікті және отан сүйгіш ұрпақты тәрбиелеу.