Қазіргі таңда Қазақстанда зейнетақы жүйесін реформалау мәселелері талқыланып жатыр.
ҚР Еңбек және әлеуметтік қорғау министрлігі жаңа өзгерістерге байланысты жұмыс істейтін зейнеткерлердің зейнетақысы туралы шешім қабылдауда. Жоспар бойынша, зейнетке шығу мерзімін кейінге қалдыру және ертерек шығу мүмкіндіктері енгізілуі мүмкін, деп хабарлайды aqshamnews.kz.
Министр Светлана Жақыпова мәлімдегендей, Қазақстан азаматтары өздерінің зейнетақы жинақтарын кез келген жағдайда ала алады, бірақ бюджеттік қаржыдан бөлінетін зейнетақы төлемдерінің бөлігі қайта қаралуы мүмкін.
Егер зейнеткер жасына байланысты зейнетке шығуды кешіктіріп, жұмысын жалғастыруды шешсе, оған бюджеттік зейнетақы төлемдері тоқтатылуы мүмкін. Алайда, министр Жақыпова бұған дейін жұмыс істейтін зейнеткерлер зейнетақыларынан айырылады деген пікірдің қате екендігін түсіндірді.
«Мен зейнеткерлер туралы түсініктеме бердім. Біріншіден, кейбір сөздер контекстен тыс алынып, "Жақыпова зейнеткерлердің зейнетақысын тоқтатқысы келеді" деген сияқты қате түсінік пайда болды. Мен ешқашан зейнеткерлердің зейнетақы төлемдерін тоқтату туралы айтқан жоқпын. Бұл ақпарат дұрыс емес. Мен тек ертерек немесе кейінірек зейнетке шығу құқығы туралы айттым. Егер адам зейнетке шыққысы келмей, жұмыс істесе, оған зейнетақы тағайындалмайды», - деді Светлана Жақыпова үкіметтік брифингте.
Министр атап өткеніндей, ертерек немесе кейінге қалдырылған зейнетке шығу мәселесі тек зерттеліп жатқан бастама болып табылады және оны жүзеге асыру 2025 жылдан кейін мүмкін болады. Сондықтан, қазіргі уақытта зейнеткерлікке шыққан жұмысшылардың зейнетақы төлемдері өзгермейді.