Жұмыртқа – жоғары аллергенді өнім.
Гастроэнтеролог Людмила Сухорукова аллергиясы бар адамдарға, сондай-ақ холестериннің жоғары деңгейіне немесе асқазан-ішек жолдарының қабынуы кезеңіндегі панкреатитпен ауыратындарға жұмыртқа жеуден бас тартуды ұсынды, деп хабарлайды aqshamnews.kz РИА Новости-ге сілтеме жасап.
Маман жұмыртқаның жоғары аллергенді өнім екенін атап өтті. Әсіресе тауық ақуызында аллергиясы бар науқастарға қарсы көрсетпе бар. Сонымен қатар, бауыр және өт аурулары бар адамдарға жұмыртқаны абайлап жеу керек. Себебі сарысы өт бөлуді ынталандырып, өт тастары ауруының асқынуын туындатуы мүмкін.
«Жұмыртқаны холестерин деңгейі жоғары адамдарға жеуге болмайды. Себебі онда холестерин бар. Дегенмен ол лецитинмен теңестірілген. Дені сау адам үшін жұмыртқа негативті әсер етпейді. Себебі лецитин холестериннің тамырлар қабырғаларына жиналуына жол бермейді. Алайда науқас адамға жұмыртқаның сарысын өте абайлап жеу қажет, -деді дәрігер.
Сондай-ақ Сухорукова қант диабетімен ауыратындарға да жұмыртқаны абайлап жеуге кеңес берді. Себебі олардың тамырлары әдетте қанттан зақымдалған. Сондықтан атеросклероздың даму қаупі айтарлықтай жоғары.