Актриса барлық жазбасын сақтап қойғанын айтты.
«Сенбі, жексенбі маған «парламенттен» деп біреу хабарласты» деп жазды актриса Инстаграм парақшасына, деп хабарлайды aqshamnews.kz
«Әрине, алаяқ екенін бірден түсіндім. Оның айтуынша, сот мәселесі бойынша ісімді шешіп бере қалмақшы. Алаяқ болғанда да су жұқпас, әккі екен. Лауазымды адамның атын жамылып, қорықпай банк шотын беріп, дәл қазір қомақты соманы аудара қалыңыз. «Шеф» өзі айналысып жатыр деді»,-деп жазды актриса.
Жұлдыз сот барысы бойынша барлық ақпаратты бөлісіп, осы алаяқтық туралы айтамын деп бекініп отыр.
«Оның командасы менімен кездеспей, мәселені біліспей, қалай қорықпайды деген сұрақ болды. Ақпарат іздей бастадым. Түйсік алдамады, әрине алаяқ болып шықты. Осындай қоңыраулардың көбеюіне байланысты мынадай шешім қабылдадым. Алдағы уақытта БАҚ өкілдерін жинап, баспасөз-конференциясын өткіземін. Сот барысы бойынша барлық ақпаратты бөлісіп, осы алаяқтық туралы айтамын. Лауазымды адамның атын жамылып, маған хабарласқан адамның аты-жөні, номері және кімнің атына кір келтіріп жүргені туралы да ашық айтамын»,-деп жазды ол.