I. Жошы - Шыңғыс ханның алғашқы әйелі Бөртеден шамамен 1182 жылы туған үлкен ұлы.
II. Шыңғыс хан Бөртеден туған төрт ұлына барлық жерін үлеске бөлгенде Жошының еншісіне Ертіс өзенінен бастап батысқа қарай Қыпшақ даласы түгел тиеді.
III. Жошы ұлысы - Жошының екесінен басқаруға алған иелік жерінің атауы. Астанасының бірі - Сарайшьіқ қаласы.
IV. 1227 жылы Жошы хан Орталық Қазақстан аумағында аң аулап жүріп, әкесі Шыңғыс ханнан жарты жыл ерте қайтыс болады.
V. Жошы хан кесенесі бүгінге дейін орталық Қазақтандағы Ұлытауда тұр.
VI. Жошы ұлысы 1236-1242 жж. Жошының екінші ұлы Батудың «Батысқа жеті жылдық жорығы» нетижесінде батыста Дунай өзеніне дейін кеңейеді.
VII. Жошы ұлысы 1269 жылғы Талас құрылтайынан соң жеке мемлекет болып, Алтын Орда аталды деген ғылыми тұжырым қалыптасқан.
VIII. Алтын Орда Шығыс Еуропаның Орал тауларынан Днепр өзенінің оң жақ жағалауына дейінгі жерлерді алып, Сібірге терең бойлады. Оңтүстігінде Қара теңізбен, Қапқаз тауларымен және Персиямен шектесетін аумақты алып жатты.
IX. Жошы ханның екінші ұлы - Бату ханның ұрпақтары Алтын Ордада 1227-1359 жж. (Берке ханның 1256-1266 жж. билігімен қоса) 132 жыл билік құрды.
X. Жошы ұрпақтары - Керей мен Женібек хандар Жошы ұлысының сол қанатында XV ғ. ортасында Шу бойындағы Қозыбасыда Қазақ хандығының негізін қалаған. Қазақ хандары мен сұлтандары - Жошы ұрпақтары.