2025 жылғы жазғы маусымда Қазақстанда жолаушылар легінің артуына байланысты «Жолаушылар тасымалы» АҚ 11 қосымша теміржол бағытын іске қосады, деп хабарлайды aqshamnews.kz
Компанияның мәліметінше, қосымша пойыздар маусым мен қыркүйек аралығында қатынайды. Қозғалыс кестесіне үш Talgo құрамасы, бес стандартты пойыз және үш бағыт бойынша қосымша вагондар енгізілмек.
Жаңа бағыттардың тізімі келесідей:
№253/254 «Астана — Достық» – аптасына екі рет;
№207/208 «Алматы — Жаланашкөл» – белгіленген күндерде;
№211/212 «Алматы — Достық» – күнара;
№221/222 «Алматы — Достық» – аптасына үш рет;
№457/458 «Семей — Достық» – күнара;
№459/460 «Өскемен — Достық» – күнара;
«Алматы — Достық» бағытындағы пойызға қосымша вагондар – күнара;
«Қызылорда — Достық» бағытына қосымша вагондар – күнара;
«Павлодар — Достық» бағытына қосымша вагондар – күнара;
№201/202 «Астана — Алматы» – күн сайын;
№203/204 «Астана — Шымкент» – күн сайын.
Аталған шаралар шамамен 270 мыңнан астам жолаушыны қосымша тасымалдауға мүмкіндік береді.
Билеттерді жөнелту күніне 45 күн қалғанда bilet.railways.kz ресми сайтынан немесе вокзал кассаларынан сатып алуға болады.