Халыққа қызмет көрсету орталықтарында ең көп пайдаланылатын 10 қызмет онлайн форматқа ауыстырылады, деп хабарлайды aqshamnews.kz
Осылайша орталықтардағы ұзын сонар кезек азаяды. Бүгінде бұл қызметтер азаматтардың барлық өтініштерінің 80%-ын құрайды. Әзірге тест режимінде бірнеше қызмет жұмыс істеп тұр.
Бұл - жеке куәлікті және жүргізуші куәлігін ауыстыру, сондай-ақ электронды цифрлық қолтаңбаны беру. Жақын арада көлікті тіркеу, баспанаға тіркеуге тұру және жер учаскесіне құжаттарды рәсімдеу онлайн форматқа ауысырылады.
Ал жылжымайтын мүлікті тіркеу, шетелдіктерге жеке сәйкестендіру номерін беру және кадастрлық паспорттар беру жыл соңына дейін іске қосылады. Толық цифрландырудан кейін халыққа қызмет көрсету орталықтарының жүктемесі екі есеге қысқарады.
Ал олардың инфрақұрылымы азаматтарды цифрлық дағдыларға үйрету үшін пайдаланылатын болады.