Филиппин астанасы Манилада өткен халықаралық «Miss Earth – 2025» байқауында бас жүлдені Чехиядан келген 21 жастағы Натали Пушкинова иеленді, деп хабарлайды Aqshamnews.kz тілшісі.
5 қарашада өткен финалда Пушкинова әлемнің шамамен 80 қатысушысын артта қалдырған. Бұл туралы ABS-CBN телеарнасы хабарлады.
Натали Прагада орналасқан Карлов университетінде маркетингтік коммуникациялар мамандығы бойынша білім алып жүр.
"Бұл жеңіс менің өмірімді түбегейлі өзгертті. Бірақ мен арманым, әділдік және экология үшін күресті жалғастыра беремін. Әкем дәл қазір мені аспаннан бақылап тұрғанына сенемін", – деді жаңа «Жер аруы».
Тәж иегері атанғаннан кейін ол экология және тұрақты даму бойынша жаһандық елші мәртебесіне ие болды.
Сонымен бірге байқауда «Табиғат күштері патшайымдары» анықталды:
-
Miss Air (Ауа аруы) – Соллис Вала Иварсдоттир (Исландия)
-
Miss Water (Су аруы) – Чинь Ми Ань (Вьетнам)
-
Miss Fire (От аруы) – Вари Нгамкхам (Таиланд)