Асқар ҚОНАҚБАЕВ, «QazaqGaz Aimaq» АҚ өндірістік-техникалық департаменті директорының орынбасары:
АГРС-тен ЖЭО-2, ЖЭО-3-ке дейін жоғары қысымды газбен жабдықтау құбырын салу маңызға ие. Мемлекет басшысы Қ.Тоқаевтың 2021 жылғы 10 шілдедегі Алматы қаласындағы 2-ЖЭО және 3-ЖЭО-ны газға көшіру туралы тапсырмасымен, «Самұрық-Қазына» Ұлттық әл-ауқат қоры» 21.07.2021 ж. №11-02-05.1/4075 Алматы энергетикалық кешенін газдандыру жобасының жобалық-сметалық құжаттамасымен ұлттық компания АГРС-тан ЖЭО-2-ге, дейін жоғары қысымды жерасты газ құбырын салу жобаларын жүзеге асырып, нысандағы жұмыстар 2024 жылы сәтімен аяқталды. Газ құбыры салынды. Ұзындығы – 5,8 км, Д-720мм. АГРС-тен ЖЭО-3-ке дейін жоғары қысымды жерасты газ құбырының құрылысы 2024 жылдың желтоқсан айында аяқталды. Газ құбырының ұзындығы – 15,2 км, Д-720мм.
«QazaqGaz Aimaq» АҚ Алматы өндірістік филиалының 2022–2026 жылдарға арналған тұтынушыларға газ тарату жүйелері арқылы тауарлық газды тасымалдау қызметі бойынша инвестициялық бағдарламасын іске асыру шеңберінде 2022–2026 жылдарға арналған шаралар жоспарлануда. Бұл ретте Алматы агломерациясын газдандыру, сондай-ақ газ құбырларын, шкафтық газ реттеу пункттерін (ШРП), электрохимиялық қорғау станцияларын (ЭҚҚ) қайта құру жөніндегі іс-шаралар бар. Осылайша AlPF Инвестициялық бағдарламасын іске асыру шеңберінде мына шаруалар – 2022 жылы Алматы агломерациясының Еңбекшіқазақ ауданына қарасты Саймасай мен Қайнар ауылдарында газ құбыры мен газ тарату желілерінің құрылысы аяқталды. Құрылыс барысында 90,5 шақырым газ құбыры тартылды. 4,5 мыңнан астам адам мен 36 әлеуметтік нысан көгілдір отынға қол жеткізді.